Дмитри Медведев, поранешен руски претседател и сегашен заменик-претседател на Советот за безбедност на Русија, го обвини американскиот претседател Доналд Трамп за спроведување на „чин на војна“ против Русија. Тој оцени дека воведувањето санкции против нафтените гиганти Лукоил и Роснефт, како и откажувањето на предложениот самит со рускиот претседател Владимир Путин, се јасен знак за непријателство од страна на САД.

САД воведоа нови санкции кон двете најголеми руски нафтени компании

Медведев на Телеграм напиша дека „Соединетите Американски Држави се наш непријател“ и дека „миротворецот“ Трамп всушност ја води војната против Русија. Тој додаде дека, иако Трамп не е директно вмешан во конфликтот на страната на Киев, одлуките што ги донел претставуваат чин на војна.

„Трамп целосно застана на страната на лудата Европа“, рече Медведев, нагласувајќи дека оваа нова политика му дава можност на Русија да дејствува директно против „скривалиштата на Бандера“ со различни видови оружје, без „непотребни преговори“.

Санкциите беа воведени синоќа, и тоа првпат во вториот претседателски мандат на Трамп, со цел да се изврши притисок врз рускиот енергетски сектор преку компании како Лукоил и Роснефт, пишува Ројтерс.