Шпанскиот фудбалски клуб Реал Мадрид денеска објави дека нов играч на екипата е Марк Кукуреља кој потпиша договор за следните шест сезони, до 30 јуни 2032 година.

Атлетико Мадрид и Барселона беа во трката за потписот на левиот бек кој на крајот се одлучи да се пресели во Реал во трансфер вреден фиксно 55 милиони евра.

Еден од главните „виновници“ беше новиот тренер Жозе Мурињо кој лично го повика шпанскиот фудбалер кој се враќа во Ла Лига по пет години поминати во Англија, четири во Брајтон и една во Челси.

По доаѓањето на 27-годишниот дефанзивец на левата страна на Реал, каде се веќе Алваро Карерас, Фран Гарсија и Ферланд Менди, јасно е дека еден од нив ќе мора да ги пакува куферите ова лето.

Кукуреља запиша 163 настапи за Челси во сите натпреварувања, со учинок од девет голови и 13 асистенции, а исто така ја освои и Конференциската лига и Светското клупско првенство.

Official Announcement: Cucurella.https://t.co/Ij02ciJ6N2

— Real Madrid C.F. 🇬🇧🇺🇸 (@realmadriden) June 15, 2026