Марк Ентони изнесе непознат детаљ за Џенифер Лопез: Таа сакаше да се прикрадува и да ги прислушува своите вработени
Марк Ентони, поранешниот сопруг на пејачката и актерка Џенифер Лопез, тврди дека неговата поранешна сопруга ги прислушувала нејзините вработени.
Овој бизарен детаљ од нивниот десетгодишен заеднички живот, Ентони неодамна го раскажа за американските медиуми.
Ентони раскажа дека латино ѕвездата ги прислушувала своите вработени и навистина уживала во тоа.
„Тоа ѝ беше многу забавно. Во куќата имавме надзорни камери, а таа понекогаш седеше пред екранот и слушаше за што зборуваат куќните помошнички додека беа во кујната“, рече Марк.
„Некогаш сакаше да се прикраде зад ѕидот и да ги слуша нивните разговори. Не знам зошто толку многу ја забавуваше тоа, но мислам дека тоа го прави и денес“, додава тој.
Инаку, Џенифер Лопез и Марк Ентони беа во брак од 2004 до 2014 година и, иако се поранешни сопружници, тие останаа во одлични односи и постојана комуникација.
„Искрено, ќе бидеме пријатели засекогаш. Јас секогаш ќе бидам тука за него, тој секогаш ќе биде тука за мене. Ние двајцата делиме нешто посебно, а тоа се нашите деца, и двајцата сме свесни за тоа. Ние сме тука за нив и тоа е најважно“, изјави Џенифер Лопез за магазинот „People“ во 2017 година.