Маричиќ: Граѓаните веќе ја забележуваат проактивната улога на Судскиот совет

Бојан Маричиќ / Фото: Фејсбук, Бојан Маричиќ

Задоволство од резултатите и темпото на спроведување на реформите во правосудството изрази денеска министерот за правда Бојан Маричиќ во обраќањето на дијалогот за јавни политики „Имплементација на Стратегијата за реформа на правосудниот сектор 2017-2022 година со Акциски план – до каде сме и што понатаму“, што се одржа во организација на Институтот за европска политика. Дополнително, најави нови мерки со цел зацврстување на правната држава, соопштија од Министерство за правда.

– Практиките во судството се менуваат благодарение на чекорите кои ги преземаме. Граѓаните веќе ја забележуваат проактивната улога на Судскиот совет. До денес имаме 16 разрешени судии, поради нестручно и несовесно вршење на судиската функција. Ова е факт кој говори дека законските измени за реформирање на правосудството и враќањето на довербата на граѓаните во судството, не се само на хартија, туку се функционални и истите се применливи во пракса, потенцираше Маричиќ.

Тој додаде и дека направена е промена, но и дека има уште многу да се работи. Потврди дека реформата останува високо на агендата на Владата и смета дека сме на вистинскиот пат кон исполнување на целта за независен, професионален, транспарентен и ефикасен правен систем.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот