Откако Сојузот на синдикати на Македонија најави дека денеска од 11:00 часот ќе ги блокира сите влезови кон Владата на Македонија, од МВР информираат дека во периодот на блокадата ќе се воведе посебен режим на сообраќајот околу булеварот „Илинден“.

Нови блокади во центарот на Скопје – ССМ на протест пред Владата

Поради протестот, затворен за сообраќај ќе биде потегот кај булеварите „Илинден“ и „Свети Климент Охридски“.

Од Министерството информираат дека, доколку се појави потреба, сообраќајот ќе биде пренасочуван по околните сообраќајници и препорачуваат граѓаните да планираат дополнително време за движење низ центарот на градот и, доколку е можно, да користат алтернативни сообраќајници.

На мапата подолу можете да погледнете кој дел од центарот на Скопје ќе биде затворен за сообраќај од 11:00 часот.