Манифестот на масовниот терорист Брејвик се најде на веб-страницата за продажба на британски синџир книжарници
Печатеното издание на озлогласениот манифест на терористот и ултрадесничар Андерс Брејвик, кој уби 77 луѓе во најголемото мирновременско злосторство во историјата на Норвешка, се најде на веб-страницата за продажба на најголемиот британски синџир книжарници „Waterstones“.
Препорачано
-
1
-
2
-
3
Британските власти минатата среда го открија манифестот на Брејвик на веб-страницата на „Waterstones“, но текстот подоцна беше отстранет, за што беше информирано раководството на синџирот книжарници, пишува лондонски „Гардијан“.
Во 2011 година, Брејвик прво уби осум лица со автомобил-бомба во Осло, а потоа се упати во младински камп на островот Утоја, каде пукаше и уби уште 69 луѓе, главно тинејџери.
Десничарскиот екстремист го објави својот антимуслимански манифест на 1.500 страници неколку часа пред да ги изврши терористичките напади.
