Србинка која поради ракометот на само 16 години го напушта својот дом, мајка си, своето семејство, славната Милева Велкова е наша гостинка во „Мамавизија“. Ја паметиме од златните времиња на некогашен РК „Кометал Ѓорче Петров“, Велковa е одблесок од едни поинакви времиња, тие среќни 2000-ти кога беа Европски шапиони и кога ја освоија престижната Лига на шампионите. И многу други успеси, кога причината да се полнат трибините беа токму Кометалки.

За првпат ракометарка во „Мамавизија“. Велкова раскажува интимен дел од нејзиниот живот.

– Родена сум дома, бабица ја породила мојата мајка. Во тоа време жените многу и веруваа на таа жена и не одеа да раѓаат во болница, многу ретко. Така и јас сум се родила дома. Детството го паметам како многу убав спомен, време поминато со мојот сега покоен брат. За време на школската година бев во Војводина, а за распустите „се селев“ во Босна, од каде што се моите. Денес многу често одам да ја посетам мојата мајка којашто живее сама – вели Велкова.

Таа е мајка на убавите Ања и Иива, веќе големи девојки.
Интересната спортска љубовна приказна помеѓу нејзе и нејзиниот сопруг, голманот Ангел Велков, е позната за пошироката јавност, а таа во „Мамавизија“ открива дека се запознале природно на спорстките терени. Во емисијата раскажува за и нејзиното забременување.

– Кога открив дека сум бремена со Ања требаше да се оди за Хрватска, да се игра квалификациска утакмица за Европско во Норвешка, 1998 година. Само најблиските занеа дека сум бремена. Влегов во соблекувалната на противниците, и на Хрватките им велам: „Девојки, јас сум бремена, само не ме удирајте по стомак.“ Се согласија, но на крајот од натпреварот се случи едната од нив да ме удри со лакт по стомакот. Многу ме болеше, погледнав дали иам крв и ми олесна. Докторот ме зема во раце и паметам ми рече
„Ми скрати десет години од животот.“ Јас му велам: Докторе, ми се смали болката, пушти ме назад да влезам на терен, моите дома ќе умрат сите. Зошто ме нема на терен!?“- се присетува Велкова.

Таа вели дека многу малку ја гледала првата ќерка, поради многуте активности тој период.

– Имав полни 29 години кога ја родив Ања. Малку време поминував со не од нејзини шест месеци, па до 5-6 години поради ракометот ретко ја гледав. Времето кога бев дома го поминував со неа, но бидејќи активно играв, многу патував. Буквално ја израснаа баба, дедо и тато. Мама беше тука привремено само. Бидејќи во тој период, навистина имавме многу обврски и кон клубот и за репрезентацијата и многу малку време поминувавме дома и целото тоа време ѝ го посветував нејзе. Од таа причина кога сакав втор пат да се остварам како мајка, реков, кога ќе завршам со ракометната кариера, тогаш сето тоа што сум го испуштила со првото дете, ќе го надоместам со второто – вели Велкова.

Нашата соговорничка се присетува и за втората бременост, за породувањата. За тоа како нејзините ќерки се растени во друштвото на славните Кометалки и која од нив им е кума.

Гледајте „Мамавизија“ на јутјуб-каналот на „Слободен печат“. Водител и автор е Александра Вуксановиќ.