Францускиот претседател Емануел Макрон вели дека би било нереално да се започне воена операција за присилно отворање на Ормускиот Теснец, откако американскиот претседател Доналд Трамп ги предизвика сојузниците на САД да работат на негово повторно отворање.

Некои луѓе ја бранат идејата за ослободување на Ормускиот Теснец со сила преку воена операција, став што понекогаш го изразуваат САД, иако тој варира во европската јавност , им рече Макрон на новинарите за време на неговиот престој во Јужна Кореја.

„Ова никогаш не беше опцијата што ја поддржувавме бидејќи е нереална“, додаде франускиот претседател.

Според него ваквата воена акција би траела цела вечност и таа ќе ги изложи на ризици од напади  бродовите кои би минувале низ теснецот од балистичките ракети на Иран, пренесе Тајмс оф Израел.