Македонскиот репрезентативец Агон Елези е пред трансфер во Бундес лигата?!
Агон Елези својот последен настап во дресот на Вараждин го имаше на почетокот на ноември лани во ремито против Динамо Загреб (1:1), а потоа македонскиот репрезентативец заврши во јуниорскиот тим бидејќи не успеа да се договори за продолжување на соработката.
Важечкиот договор му истекува во јуни оваа година, според хрватските медиуми беше јасно дека во зимскиот преоден рок ќе бара нов клуб, а своевремено беше извесно дека ќе продолжи во Австрија во редовите на Клагенфурт, но таков трансфер во последен момент не се реализираше.
Сега има информација дека Елези е пред голем чекор во неговата кариера, преселба во една од Топ 5 европските лиги, Бундес лигата. Нашиот 22-годишен играч е на пат за Германија каде треба да ги помине лекарските прегледи и да потпише за Бохум.
Бохум сезонава настапува во Бундес лигата каде моментно после 19 одиграни натпревари е на 14 позиција со 20 бодови.
Елези пристигна во Вараждин во средината на септември 2020 година, а оттогаш одигра 68 натпревари со осум гола и една асистенција, а со клубот избори влез во елитата на хрватскиот фудбал.