Македонија ќе биде домаќин на две европски кошаркарски првенства во 2024 година
Во следната 2024 година македонската кошаркарска федерација ќе организира две европски првенства во младинска категорија.
Најпрвин во периодот од 26 јули до 4 август 2024 во Скопје ќе се одржи Европското првенство Дивизија Б за кошаркари „Под 18“ години.
А од 8 до 17 август 2024 исто така во главниот град ќе се игра Европското првенство Дивизија Б за кошаркари „Под 16“ години.
Ова е само уште една потврда повеќе за одличните релации кои македонската кошаркарска федерација ги има со Светксата кошаркарска федерација, особено европската зона на ФИБА.
Нашите млади кошаркари, оние од селекцијата „Под 20“ години (2004 година и помлади), ќе се борат за што подобар пласман на Европското првенство кое ќе се игра од 13 до 21 јули во полскиот град Гдиња.