Маика – Софтвер за претворање во говор на пишаниот македонски јазик

„Да оставиме наследство кое следните генерации ќе го надополнуваат и надградуваат, да го збогатиме македонскиот јазик, но и да им помогнеме на лицата со попреченост, поконкретно на лицата со оштетен вид“ – ова е дел од инспирацијата за создавањето на МАИКА – бесплатна алатка за претворање на пишан текст на македонски јазик во говор.

Софтверскиот инженер Марјан Николовски направи врвен технолошки пробив од огромна важност и значење за Македонија со прв софтвер од ваков вид со кој пишаниот текст на македонски јазик автоматски се претвора во говор.

-Инспирација ни cе и лицата со попреченост, поконкретно лицата со оштетен вид кои моментално немаат алатка за претворање на текст во говор на македонски јазик која е блиска на природниот говор. Недостигот на ваква алатка им го отежнува нивното секојдневно функционирање во дигиталниот свет. Нашиот систем е систем за претворање на текст во говор и е базиран на длабоко учење. Тие технологии се достапни за коритење за оние кои се бават со истражувања. Алатката функционира со тоа што корисникот внесува текст кој минува низ низа претпроцесирачки чекори, по кои текстот се претвора во говор кој му се дава како повратен одговор на корисникот. Карактеристика на системот е тоа што самиот се учи на кој начин да ги изговара зборовите врз основа на веќе постојно множество на податоци, изјави за „Утрински брифинг“ за „Слободна ТВ“, софтверскиот инженер Марјан Николовски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот