Директорот на тениската федерација на Австралија, Крег Тили, денеска изјави дека организаторите на првиот годинешен грен слен се подготвени на сите сценарија, а доколку до јануари идната година се победи пандемијата, најверојатно на трибините ќе присуствуваат само австралиски државјани.

– Најдоброто сценарио во овој момент е да учествуваат тенисерите кои можеме да ги донесеме во Австралија и притоа да ги запазиме сите правила во поглед на карантинот. Исто така разгледуваме на трибините да има само навивачи од Австралија. Најлошото сценарио е турнирот да не се одржи идната година – изјави Тили.

Досега поради пандемијата на коронавирусот се одложени повеќе од 30 турнири, меѓу кои најпознат е Вимблдон, додека вториот грен слем во годината, Ролан Гарос е презакажан за во септември.