Лони Вилисон живее како бездомничка: Тажно е да се гледаат фотографиите на некогаш фаталната русокоса
Многу мажи „страдаа“ по русокосата убавица со совршена линија, а сега таа одвај преживува на улиците низ Лос Анџелес.
Поранешната манекенка Лони Вилисон (37), која беше во брак со sвездата на „Чувари на плажата“ Џереми Џексон, денес е далеку од атрактивната русокоса каква што беше некогаш, и тешко е да се препознае.
„Копа“ по контејнери
Откако две години се сметаше за исчезната, Лони беше пронајдена во Лос Анџелес минатиот октомври, каде живее како бездомничка, а нејзините најнови фотографии ја растажија јавноста.
Папараците ја снимиле Вилисон додека му се смеела на странец кој ѝ давал храна, а на фотографиите објавени од британски „Сан“ се гледа дека ѝ недостасува предниот заб.
Нејзините нови потресни фотографии се појавија само неколку месеци откако беше снимена како „копа“ во контејнер во потрага по храна.
Лони во претходното интервју за „Сан“ призна дека заглавила, а открила дека завршила на улица откако доживеала нервен слом. Уште една поранешна партнерка на Џереми, Синди Ковач, коментирала за британскиот таблоид дека актерот одбил да ѝ помогне на Лони откако се разделиле во 2014 година.
– Многу е тажно тоа што ѝ се случи на Лони и што никогаш не ја доби потребната помош – рекла Синди, додавајќи дека ѝ било лошо од начинот на кој Џереми се однесувал кон неа.
Пријателите сакале да ѝ помогнат, таа ги одбила
Baywatch star Jeremy Jackson’s homeless ex-wife Loni Willison spotted digging through trash on the streets of LA – https://t.co/Re3EQgUcST pic.twitter.com/oQr84cgDG1
— Onome Igugu (@TSBnewsnigeria) January 19, 2021
Откако нејзините пријатели ги видоа фотографиите како Лони бара храна во контејнери, започнаа акција за да ја отстранат од улицата. Тие не успеаја во тоа, бидејќи Лони, наводно, само се истуширала и јадела во хотелот и повторно се вратила на улиците.
Лони беше во брак со Џереми од 2012 до 2014 година, а потоа исчезна во 2018 година кога нејзините пријатели се обидоа да ја убедат да отиде во клиника за рехабилитација за да ги реши нејзините ментални проблеми и зависноста од дрога.
Нејзиниот брак пропадна по серијата расправии под дејството на алкохол.
Лони работела како асистентка во центар за пластична хирургија во Лос Анџелес, во 2016 година доживеала нервен слом и добила отказ, а потоа го изгубила својот дом. Извесно време работела и како фитнес-инструкторка и ги красела насловните страници на некои списанија, но сè тргнало наопаку заради менталните проблеми што ги има.