Обвинителството во Алжир започна истрага за смртта на маж кој бил линчуван од поголема толпа луѓе откако бил обвинет за подметнување шумски пожар, пренесува алжирската новинска агенција АПС.

Истрагата е започната врз основа на видео снимка која го прикажува убиството на 38-годишниот Бен Исмаил во градот Ларба Нат Иратен во провинцијата Тизи Узу, каде што шумските пожари предизвикаа најголема штета и загинаа голем број луѓе.

Разулавената толпа првин ја нападнала станицата каде што бил приведен Бен Исмаили, го извлекле надвор и го претепале по што жив го запалиле.

„Полициски службеници кои се обидувале да и помогнат на жртвата исто така биле сериозно повредени “, се вели во соопштението на локалните власти.

Амнести Интернешнл ги повика алжирските власти да го расветлат злосторството што е можно поскоро за да испратат „јасна порака дека насилството нема да остане неказнето“.

Во шумските пожари во Алжир, кои не стивнуваат со денови, досега загинаа 69 лица