Остатоците од приватниот авион што леташе за Триполи, во кој се наоѓаше началникот на Генералштабот на либиската армија, кој го изгуби контактот кратко по полетувањето од Анкара, беа пронајдени јужно од турската престолнина, изјави вечерва турскиот министер за внатрешни работи Али Јерликаја, објави Ројтерс.

Според официјални лица, во авионот имало пет патници, вклучувајќи го и началникот на либискиот Генералштаб, генерал Мохамед Али Ахмед Ал-Хадад, кои загинаа.

Остатоци од деловниот авион „Фалкон 50“, кој полета од аеродромот Есенбога во Анкара на пат кон Триполи, беа пронајдени од страна на полициските екипи на околу два километри јужно од селото Кешикавак во округот Хајмана, рече Јерликаја.

Претходно, Јерликаја објави дека контактот со авионот  бил изгубен околу 20:52 часот по локално време (18:52 часот по средноевропско време), кратко по полетувањето во 20:10 часот (18:10 часот по средноевропско време).

Тој рече дека авионот испратил известување за итно слетување во близина на Хајмана, но дека по тоа не можела да се воспостави понатамошна комуникација.

Властите ќе ги ажурираат информациите како што ќе се одвиваат настаните, додаде Јерликаја.

Либиската влада со седиште во Триполи ја потврди смртта на еден армиски командант и четворица помошници откако нивниот авион изгуби контакт во близина на Анкара.

🎥 Video footage shows the moment the Libya-bound Falcon 50 jet crashes in the Haymana area after contact is lost shortly after departing Türkiye’s Ankara Esenboga Airport

✈️ The aircraft sends an emergency landing signal before communication cuts off, with five people on board,… pic.twitter.com/VIWnKAnbsg

— Anadolu English (@anadoluagency) December 23, 2025

Драма на небото над Турција: Исчезна авионот што го превезуваше командантот на либиската армија

Libya Genelkurmay Başkanı Orgeneral Muhammed Ali Ahmed AL-Haddad’le birlikte 5 kişinin bulunduğu özel uçak Ankara’da düştü. pic.twitter.com/Eoe1aGuKkx

— 3W (@WorldWarWatch) December 23, 2025