Општина Бутел во соработка со ЈП „Дрисла“ на 8 и 9 август ќе организира акција за собирање на кабаст отпад и градежен шут. Граѓаните во текот на акцијата ќе можат бесплатно да се ослободат од стариот мебел, неупотребливите електрични апарати, скршени санитарии, електронски отпад, градежен шут и друго.

Кабастиот отпад треба да се однесе на четири локации на територијата на општината од каде ќе биде собран и тоа во Радишани на средината на улица „Радишанска“ помеѓу првиот и вториот влез, во Бутел 1, кај трафостаницата спроти црквата „Св. Јован“, на улица „Бетовенова“ кај контејнерите и во Скопје Север, зад гимназијата „Зеф Љуш Марку“.

Од Општината апелираат граѓаните да ја искористат оваа летна акција и во наредниот период се до 8 и 9 август да го одложуваат кабастиот отпад и градежен шут на посочените локации.