Аеродромите во Рим, Венеција и Болоња, како и на француската ривиера, објавија дека основале компанија за изградба на инфраструктура за летечки таксиња, што треба да овозможи подобри транспортни врски меѓу градовите и да го ублажи проблемот со сообраќајниот метеж, пишува Ројтерс. 

Новата компанија Урбан Блу ги спои италијанските аеродроми Aeroporti di Roma од инфраструктурната групација Atlantia, Aeroporto di Venezia, Aeroporto Guglielmo Marconi di Bologna и францускиот аеродром Aeroport de la Côte d’Azur.

Според нив, нивниот план е до 2024 година да започнат бизнис со летечки таксиња во Рим, Венеција и Ница. Во соопштението не се наведени финансиски детали во врска со проектот.

Рим е трет најпогоден град во Европа за развој на воздушната мобилност

Инфраструктурата е наменета за „верипортите“, специјални типови на авиони кои полетуваат вертикално, а потоа ги пренасочуваат моторите во хоризонтална положба и летаат како авиони.

„Вертипортите“ ќе функционираат како електрични воздушни таксиња кои на клиентите ќе им понудат нов начин на патување, заобиколувајќи го сообраќајниот метеж и полесен меѓуградски превоз, пишува Ројтерс.

„Урбан Блу“ планира „ризична, но изводлива временска рамка, а тоа ќе му овозможи на Рим да биде меѓу првите градови во Европа што овозможуваат ваков вид транспортна врска“, нагласи извршниот директор на Аеродромот на Рим, Марко Тронконе.

Италијанската престолнина е трет најпогоден град во Европа за развој на урбана воздушна мобилност, според студијата на Европската агенција за воздухопловна безбедност (EASA).

Отворено за соработка со други земји

Според соопштението, Урбан Блу ќе биде отворена за соработка со други индустриски, технолошки и финансиски партнери со кои постепено би го проширил проектот во Италија, Франција и други земји.

Тие додаваат дека ќе се приклучат на германската компанија за летечки таксиња Волокоптер, со поддршка на инвестицискиот фонд EDF Invest, акционер на Aeroport de la Côte d’Azur.