Леопард принтот никогаш навистина не исчезнува, само се повлекува на кратко, а потоа се враќа посилен, самоуверен и поприсутен од порано. Оваа сезона повторно ги освојува уличниот стил,  Инстаграм и колекциите на брендови, но во поносиво и поелегантно издание.

Она што е интересно е дека леопардот повеќе не е резервиран само за еден изглед. Сега го гледаме на јакни, панталони, здолништа, џемпери, па дури и на чевли и чанти. Токму таа разновидност го прави полесен за комбинирање од кога било.

Јакна или капут во леопард принт може целосно да ја трансформира едноставната комбинација составена од црни фармерки и бела маица. Панталоните со овој детал делуваат храбро, но со неутрален топ изгледаат балансирано.

Долгите здолништа се особено благодарни, затоа што спојуваат женственост и доза карактер без претераност.

Ако не сте спремни за целосен изглед, тука се џемперите со дискретен узорок или чевлите кои додаваат суптилен, но ефектен завршеток на комбинацијата.

Леопард принтот најдобро функционира со црна, беж, кафеава и црвена, но не се плашете ни од монохроматски комбинации каде токму узорокот е главната точка на интерес.

Она што го прави овој тренд посебен е неговата енергија. Леопардот не е „сигурен“ избор, тој е став, а оваа сезона се носи опуштено, без премногу правила и без потреба од објаснување.