Неодамна тренерот на Абердин каде што настапуба Бојан Миовски, Џим Гудвин заработи отказ по поразот од Хиберниан со 6:0, а сега шкотскиот клуб е во потрага по нов стратег.

Како една од опциите за наследник на Гудвин се споменува легендата на Манчестер Јунајтед Двајт Јорк. Јорк неодамна замина од австралиската А-лига каде што беше тренер на тимот на МекАртур.

Наводно, Јорк покажал интерес да седне на клупата на Абердин. Дел од медиумите пишуваат и дека разговарал со Сер Алекс Фергусон со кого е во одличен однос. Абердин од друга страна не сака да брза и внимателно го бара наследникот на Гудвин.

Миовски под водство на Гудвин играше одличен фудбал и на 24 натпревари во шкотската Премиер лигата постигна 12 гола. Навивачите очекуваат добрите настапи на македонскиот репрезентативец да продолжат и со новиот стратег.