Ракометарите на Вардар вечерва славеа во финалето против Охрид со 24-23, а по освоениот трофеј задоволството не го криеше Милан Лазаревски.

Лазаревски не заборави и да им честита на своие соиграчи.

„Многу тежок натпревар, вакви се сите дерби дуели кои ги игравме сезонава. Секоја чест за моите соиграчи, бевме извонредни денеска, но честитки и до Охрид, сериозен нов проект, со сериозни вложувања и сериозни амбиции. Ништо од она што го одигра Охрид не беше нешто невообичаено, непредвидено. Едноставно, мислам дека нивниот голман немаше свој ден и тоа беше причината за нашата победа. Во други услови, мислам дека ќе беше уште поубедливо за нас, но секако станува збор за квалитетен противник. Вардар е најквалитетна екипа во Македонија и тоа ќе го потврдиме со двојната круна оваа сезона. Чест ми е што сум дел од овој тим“, изјави пикерот на Вардар.

За Вардар овој трофеј беше вкупно 18-ти во купот, а до крајот на сезоната се и на добар пат да се радуваат во првенството.

Спартак немаше сили за нова сензација, ракометарките на Ѓорче Петров го одбранија трофејот во купот