Кумановец со автомобил излетал во провалија и загинал
Несреќата се случила завчера во периодот помеѓу 23 до 23.30 часот на локалниот пат Арбанашко – Кокино.
Четириест и четиригодишен жител на селото Арбанашко загинал, откако со возилото излетал од патот и паднал во провалија.
Несреќата се случила завчера во периодот помеѓу 23 до 23.30 часот на локалниот пат Арбанашко – Кокино, кога Дејан Петковски (44) со своето возило „голф 2“ се движел код градот. Од непознати причини возилото излетало од патот и паднало во провалија.
Случаен минувач го забележал возилото и пријавил во полиција. На терен излегла екипа на противпожарната единицата од Старо Нагоричане, па откако не успејале да го извадат, побарале помош од пожарникарите од Куманово.
Автомобилот морало да се сече за да се извади починатиот.Телото е пренесено во Општата болница Куманово, а се работи на расчистување на причините за несреќата.