Познатиот црвено-бел џемпер на принцезата Дијана, кој е познат и како „црната овца“, по две недели е продаден на онлајн аукција за повеќе од 1.1 милион долари во аукциската куќа „Сотби“ во Њујорк, пишува британски „Телеграф“.

Опишано како едно од најкултните парчиња облека што некогаш е носено од член на кралското семејство, џемперот беше изложен во лондонската галерија на „Сотби“ од 17 до 19 јули. На 7 септември започна аукцијата во Њујорк, каде наддавањето започна со проценета цена од 40.000 до 70.000 фунти.

Со оваа продажба на која биле дадени дури 44 понуди, црвено-белиот џемпер постави неверојатен рекорд и влезе во историјата како најскапо платен предмет од гардеробата на покојната принцеза.

Инаку принцезата Дијана, првпат го носеше волнениот џемпер, со црно-белиот мотив на овците, во јуни 1981 година, на поло натпревар со нејзиниот вереник Чарлс, тогашниот принц од Велс.

ФОТО | На аукција култниот џемпер на принцезата Дијана: Се очекува да достигне цена од 70.000 фунти