Крстовден се празнува во Манастирот во Рајчица

 По повод празникот „Воздвишение на Чесниот Крст – Крстовден” што е втора слава на манастирот „Свети Георгиј Победоносец”, во дебарското село Рајчица, ќе биде отслужена вечерна и утренска боголсужба, како и Света архиерејска литургија, со која ќе чиноначалствува епископ антаниски г. Партениј.

Празничната вечерна богослужба почнува во 18:30 часот. На крајот од вечерната богослужба, проследен од стиховите на празничниот тропар и раскошно украсен со цвеќе, ќе биде изнесен на вход крстот со честичка од Чесното Дрво и потоа повторно ќе биде внесен во олтарот.

-Утре во 07:30 часот ќе започне утрената богослужба. На крајот од утрената од светиот Престол, од олтарот, ќе биде изнесен сребрениот филигрански крст, во кој се вметнува крстот од времето на игуменот Арсениј со честица на Чесниот и Животворен Крст, а кој преку годината се чува во големиот кивот на Бигорскиот манастир. По чинот на Воздвижение на крстот, на верниците ќе им се даде можност и да се поклонат пред Живоносното и спасително Дрво на нашиот Господ Исус Христос, информираше сестра Ефимија.

Прочитајте и...  Маглите стасаа, а државата без мерка за загадувањето

Додаде дека во 9:00 часот ќе започне Света архиерејска литургија и ги повикува верниците сите заедно „победнички да го издигнеме Чесниот Крст на нашиот Спасител, Господ Исус Христос, нашето оружје и нашата надеж за спасение, и откако ќе го прославиме, радосно да се причестиме со светите Христови Тајни”.

Поради состојбата со Ковид-19 се замолуваат верниците кои сакаат да дојдат и присуствуваат на богослужбите, да се придржуваат кон мерките на Владата за спречување и ширење на вирусот, што подразбира носење на заштитна опрема (маска, марама, шал и слично), како и држување на определеното растојание.

Оваа манастирска слава е поврзана со денот кога пред 19 години почна возобновувањето на конаците на дотогаш запуштениот манастир. Симболиката на тој ден беше уште поголема бидејќи, според преданието, токму на Крстовден биле поставени и темелите на стариот, претходен манастир.

Прочитајте и...  Изработен е прашалник за онлајн купување

-Сето тоа се случило по Божја промисла. Отец Партениј, кој на тој празник го благословувал возобновувањето, воопшто не знаел каква е врската меѓу празникот и манастирот. Дури кога завршило осветувањето отецот на влезот од црквата прочитал дека токму на Крстовден се поставени темелите и на поранешниот манастир, објасни сестра Ефимија.

На тој начин, овој празник длабоко се всадил во традицијата на ова светилиште кое сега е женски манастир и метох на Бигорскиот манастир. 

Поврзани вести

ВИДЕО: Ова е младата пратеничка на која Дачиќ и отстапи микрофонот за пеење

Илинка Иљоска

Италија пријави најмногу заболени во еден ден, речиси 25.000

Слободен печат

Со позитивен корона тест, но лесни симптоми и Марјан Забрчанец

Строгите мерки во Ирска даваат резултати со бројот на новозаразени

Илинка Иљоска

Налепниците за растојание во Либија го добија ликот на Макрон

Илинка Иљоска

Детално за мерките и казните – маските се задолжителни секаде, без нив – 20 евра

Слободен печат

Остави Коментар