Кривокапиќ: Никогаш немало толку отровни стрели од Србија
Црногорскиот премиер Здравко Кривокапиќ изјави дека не е забележано во историјата на Црна Гора за толку краток временски период „некој да испраќа толку отровни стрели до премиерот, претседателот на Собранието, како сега од Србија и дека на тој начин се обидуваат да ги прогласат за предавници “.
– Одговарајќи на слично прашање, го цитирав Марко Миљанов, што беше оценето дека не е дипломатски. Миљанов рече „ако ве нападнат, не одговарајте, бидејќи ако имаат образ, ќе се срамат од тоа што го прават”, рече Кривокапиќ пред пратениците.
Тој додаде дека сака добрососедски односи со Србија.
– Што се однесува до нас, тоа го сторивме. Соработувавме на ниво на министри и буквално нема министер што не ја посетил Србија, освен премиерот, рече Кривокапиќ, додавајќи дека Црна Гора, а не Белград, е татковината на Србите кои живеат во Црна Гора.
Кривокапиќ рече дека големиот број туристи од Србија во Црна Гора е показател дека заострувањето на политичките односи нема да влијае на секојдневниот живот на граѓаните на двете земји.
Демократскиот фронт (ДФ), најсилниот сојуз на владејачкото мнозинство, бара оставка од премиерот Кривокапиќ, а во претходните денови, лидерите на тој сојуз и Кривокапиќ разменија сериозни обвинувања.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот