Кривична пријава за газда на градежна фирма од тетовско поради загинат работник
Сопственик на градежна фирма од тетовско доби кривична пријава откако во февруари годинава, еден работник во фирмата загина, а еден беше тешко повреден, поради небезбедни услови за работа.
„СВР Тетово поднесе кривична пријава против Х.Р.(44) од с.Боговиње, тетовско, сопственик на фирма од Боговиње, поради постоење основи на сомнение за сторено кривично дело „предизвикување опасност при градежни работи”. На 15.02.2021, додека Ј.С.(34) и С.И.(32) од с.Боговиње, заедно со уште три лица, сите вработени во фирмата на пријавениот, изведувале градежни работи на автопатот Тетово – Гостивар, при истовар на гранитни плочи една палета се завртела при што Ј.С. од здобиените повреди починал на местото на настанот, додека С.И. се здобил со тешки телесни повреди“, велат од полицијата.