Русија е подготвена да ја прошири соработката со Иран во сите области, соопшти денеска Кремљ, пренесува Ројтерс.

-Иран е наш партнер, а нашите односи се развиваат многу динамично – нагласи портпаролот Дмитриј Песков.

Тој  рече дека европските земји вршат „прекумерен притисок“ врз Иран во врска со преговорите за неговата нуклеарна програма, додавајќи дека ситуацијата е „многу комплицирана“.

Претставник на рускиот претседател Владимир Путин треба да се сретне со секретарот на Врховниот совет за национална безбедност на Иран, Али Лариџани, подоцна во понеделник, помалку од една недела откако Лариџани се сретна со лидерот на Кремљ и му предаде порака од врховниот лидер на Иран, ајатолахот Али Хамнеи.

Москва има блиски врски со Техеран и ги осуди американските и израелските напади врз иранските нуклеарни постројки претходно оваа година, кои беа извршени со наведена цел да се спречи Иран да се здобие со нуклеарна бомба.