Италијанскиот стратег Енцо Мареска ќе биде нов тренер на Манчестер сити, пренесува познатиот фудбалски инсајдер Фабрицио Романо со своето препознатливо „Here we go“.

Според неговите информации, меѓу двете страни веќе е постигнат целосен договор, а Мареска треба да стави потпис на тригодишен договор со тимот од Манчестер.

Мареска важи за човек кој одлично ја познава филозофијата на клубот, со оглед на тоа што претходно беше дел од стручниот штаб на Гвардиола. Во изминатиот период Италијанецот постепено ја градеше својата самостојна тренерска кариера, а во Сити го гледаат како природен наследник на шпанскиот стратег.

Гвардиола во Манчестер сити пристигна во 2016 година и оттогаш ги водеше „граѓаните“ на 591 натпревар во сите конкуренции.