Министерот за одбрана Арменд Мехај во наредните денови ќе ја напушти функцијата, а неговото писмо со оставка веќе две недели стои на масата на косовскиот премиер Албин Курти, пренесува Демократија.

Според шпекулациите, како што наведуваат приштинските медиуми, причините за оставката на Мехај се поврзани со незадоволството од политичката линија на Курти која доведе до меѓународни санкции и од неговите вработени во Министерството за одбрана.

Се наведува и дека Мехај е особено незадоволен од неговиот заменик Шемси Сиља, кој, како што се наведува, се однесува како да е министер.

Според изворите на тој медиум, Мехај планира деновиве да свика прес-конференција и јавно да ја соопшти оставката со образложение.

Тие додаваат и дека Мехај е незадоволен и од пристапот на Курти за американската поддршка за КБС.