Официјално, кошаркарскиот клуб ТФТ и во следната натпреварувачка сезона ќе биде дел од регионалната АБА 2 лига.

Како минатогодишни вицешампиони на АБА 2 лигата и првопласирана екипа во регуларниот дел од сезоната во Првата македонска лига, клубот обезбеди учество во АБА 2 лигата и за сезоната 2026/27.

По тој повод, КК ТФТ сака да му се заблагодари на раководството на АБА лигата за укажаната доверба и можноста повторно да биде дел од ова престижно регионално натпреварување.

– Со голема мотивација и амбиција влегуваме во новата сезона, со желба да оствариме уште поголем успех и достојно да ја претставуваме македонската кошарка на регионалната сцена – стои во објавата на ТФТ.

Минатата сезона ТФТ пропушти две големи можности за пласман во елитата. Тие загубија во драматичното финале во АБА2 лигата од Широки, а потоа испуштија шанса и во баражот за опстанок/влез во првата АБА лига против Борац Чачак.