Партизан вечерва во Белград ја совладаа екипата на Алба со резултат 88:74 во натпреварот од 26 коло во Евролигата.

Најефикасен во победничките редови на српскиот кошаркарски клуб беше Аврамовиќ со 19 поени, три помалку запиша Пантер, а Ледеј уфрли 13.

За германскиот претставник најрасположен беше Маодо Ло со 17 поени.

По овој триумф белградските „црно-бели“ се моментно на шестото место на евролигашката табела со учинок 14-12, додека Алба е на последната позиција со седум победи и 19 порази.

Во следното коло Партизан на 7 март ќе гостува кај Виртус, доека Алба во Берлин ќе биде домаќин на Жалгирис.

Евролига, 26 коло

Четврток, резултати –

Барселона – Жалгирис Каунас 93:74
Баерн – Црвена звезда 87:80
Панатинаикос – Анадолу Ефес 82:87
Монако – Макаби Тел Авив 86:67
Партизан – Алба Берлин 88:74

Табела: Олимпијакос 18-7, Барселона 18-8, Реал Мадрид 17-7, Монако 16-10, Фенербахче 15-9, Партизан 14-12, Анадолу Ефес 13-12, Басконија 13-12…