Во повеќе црногорски градови и вечерва, како и секој четврток и недела веќе три месеци, одржани се литии во знак на протест против усвоениот Закон за слобода на вероисповед, пишува српски „Телеграф“.

Од денес учесниците на литиите, освен против изгласаниот закон, со молитва се борат и против коронавирусот, пишува на сајтот на црногорско-приморската Митрополија.

– Ќе се молиме на Бога, исцелителот на секоја болест и немоќ, со мирисот на темјан и со молитва на свештенството и верниците за оздравување на сите заболени во светот, рекле од Митрополијата.

Свештеникот Мирослав Михаиловиќ им се обратил на присутните и им се заблагодарил мирот, слогата, меѓусебното простување, посветеноста, и како што рекол, достоинственото покажување на лидерите на црногорската држава дека ова „нема да помине“ и дека не ги даваат светите објекти.

Како што рекол тој, црквата како разумна организација ќе го послуша гласот на лекарите во врска со новонастанатата ситуација со коронавирусот, и ќе ги следат сите настани, а Епископскиот совет до недела ќе донесе одлука дали ќе се продолжи со литиите или не.

Фото: Objektiv Story