Францускиот екстремно десничар Ерик Земур, кој имаше доста ветувачка, но на крајот неуспешна кандидатура за претседателските избори минатиот месец, изјави дека ќе се кандидира за место во парламентот на изборите од 12 до 19 јуни, пишува Ројтерс.

„Јас ќе ја водам нашата убава и голема борба“, напиша Земур на Твитер, додавајќи дека ќе се кандидира за место во регионот Вар околу медитеранскиот туристички град Сен Тропе.

Reconquête est de retour partout en France. Je mènerai notre beau et grand combat aux côtés de nos 550 candidats. Je me présente dans la 4ème circonscription du Var.

— Eric Zemmour (@ZemmourEric) May 12, 2022

Тој рече дека неговата партија Reconquete ќе претстави 550 кандидати во јуни – од 577 изборни единици во Франција.

Земур беше четврти со 7,07% од гласовите во првиот круг од изборите во април, далеку зад лидерката на екстремната десница Марин Ле Пен, која беше втора со 23,15%.

Француските леви и крајно левичарски партии формираа коалиција за парламентарните избори, надевајќи се дека ќе го зголемат бројот на места што секоја партија може да ги освои, но Земур и Ле Пен не ги здружуваат силите и продолжија со своите посебни кампањи.

Француските левичари со коалициски договор ќе се обидат да ги расипат плановите на Макрон