Паники открива дека сите професионални тенисери мора да пријавуваат каде се наоѓаат и тука нема отстапки.

– Постојат луди тестови. Секој ден играчот мора да и соопшти на ВАДА (светската анти-допинг агенција“ каде се наоѓа. Доколку се смени распоредот, веднаш морате да ја известите ВАДА или телефонски или по имејл и да се каже новата адреса. Доколку два пати не успеат да те најдат на адресата која си ја пријавил ти следува двомесечна суспензија – изјави Паники.

Тренерот на Ѓоковиќ открива дека нема отстапки за најдобрите тенисери и тоа на своја кожа го почувствувал Рафаел Надал.
– Секој ден мораш да бидеш достапен барем еден час, а луѓето од ВАДА знаат да ви тропнат на вратата во чест часот сабајле додека спиете. Но, ако дојдат и вас венема, е тогаш е тешко за тенисерите. Секој тенисер се тестира околу 20-30 пати годишно. Имаше еднаш случај со Рафаел Надал, тој беше на брод со пријателите, а луѓето од ВАДА дојдоа во неговата куќа во ненајавено време. Единствено што можеше Надал да направи е да се врати дома и да дозволи да биде тестиран – открива Марко Паники.