Српскиот напаѓач Душан Влаховиќ во моментов е надвор од фудбалските терени поради повредата што ја заработи во ноември, а паралелно со неговото отсуство сè погласни се и шпекулациите околу неговата иднина и можнoто заминување од Јувентус.

На оваа тема се огласи и кондицискиот тренер на српската репрезентација, Душан Илиќ, кој смета дека следната дестинација на голгетерот би можела да биде Барселона.

„Според мое мислење, ќе замине во Барселона. Уште пред да дојде во Јувентус, имаше опции за Шпанија и разговараше со Атлетико Мадрид, но на крајот го избра Торино. Тоа беше понуда која беше невозможно да се одбие“, изјави Илиќ.

Иако Влаховиќ има посебен однос кон Италија, Илиќ верува дека напаѓачот е подготвен за нов чекор во кариерата.

„Да, Душан ја почитува и ја сака Италија, затоа остана овде толку долго. Сега мора да ја освежи кариерата и да се обиде да оди понатаму“, додаде Илиќ во изјава за „Тутоспорт“.

Барселона сака да го доведе Влаховиќ