Комбе удри во авионот на Ангела Меркел: Канцеларката морала со хеликоптер да се врати во Берлин
Авионот на Ангела Меркел на аеродромот во Дортмунд, пред да полета, случајно го запрела жена која излетела од своето возило за да го слика леталото кое го користи германската канцеларка.
Возбудената жена заборавила да го закочи своето возило кое продолжило да се движи и со мала брзина удрило во авионот на германската канцеларка, објавија денеска германските медиуми.
Споменатата жена возела комбе и била вработена на аеродромот.
Flughafen Dortmund: Transporter rammt Flieger der Kanzlerin https://t.co/LBUB2ui0tq pic.twitter.com/q22bvnWbog
— SPIEGEL ONLINE (@SPIEGELONLINE) May 13, 2019
Ангела Меркел морала вчера со хеликоптер да се врати во Берлин бидејќи авионот бил оштетен, соопштуваат германските власти, не откривајќи детали за инцидентот.