Платформите Јутјуб и Спотифај на крајот од минатата година ги објавија листите на најслушаните песни во 2025 година. На двете платформи првото место убедливо го зазеде песната „Die With a Smile“, во изведба на Бруно Марс и Лејди Гага, која се издвои како апсолутен глобален хит.

Сепак, остатокот од листите се разликува меѓу двете платформи. На Јутјуб, второто место го зазеде „APT.“ од Роуз и Бруно Марс, додека на Спотифај тоа место ѝ припадна на „Birds of a Feather“ од Били Ајлиш. Третопласирана на Јутјуб е песната „Golden“ од HUNTR/X, додека на Спотифај третото место повторно го зазеде „APT.“.

На Јутјуб листата понатаму следуваат песните „Soda Pop“ и „Your Idol“ од Saja Boys. На шестата позиција се најде „El Mayor de los Ranas“ од V. Valverde и Jr. Torres, по што доаѓаат „How It’s Done“ (HUNTR/X), „Ordinary“ од Алекс Ворен, како и „Luther“ и „tv off“ од Кендрик Ламар, при што „Luther“ е во соработка со СЗА.

Од другата страна, Спотифај на четвртото место ја смести песната „Ordinary“ од Алекс Ворен, а на петтото „DtMF“ од Бед Бани. Потоа следуваат „Back to Friends“ од Сомбра, „Golden“ од HUNTR/X и „Luther“ од Кендрик Ламар и СЗА. Топ 10 листата на Спотифај ја заокружуваат „That’s So True“ од Грејси Абрамс и „Wildflower“ од Били Ајлиш.

Инаку, Спотифај исто како и Јутјуб, секоја година ги издвојува најслушаните 10 песни и изведувачи. Во 2024 година, меѓу најпопуларните беа:

„Espresso“ – Sabrina Carpenter

„Beautiful Things“ – Benson Boone

„Birds of a Feather“ – Billie Eilish

„Gata Only“ – FloyyMenor и Cris MJ

„Lose Control“ – Teddy Swims

„End of Beginning“ – Djo

„Too Sweet“ – Hozier

„One of the Girls“ – The Weeknd (со JENNIE и Lily-Rose Depp)

„Cruel Summer“ – Taylor Swift

„Die With a Smile“ – Bruno Mars и Lady Gaga