Ќе пропаднат берберите во Авганистан, Талибанците забранија бричење на брадите
Талибанските локални власти во јужната авганистанска покраина Хелманд издадоа забрана за бричење на брадите, јавија локалните медиуми.
Afghanistan: Taliban ban Helmand barbers from trimming beards https://t.co/bOnQK2vzpX
— BBC Asia (@BBCNewsAsia) September 26, 2021
Талибанскиот директор за култура и информирање Хафиз Рашед Хелманд рече за дневниот весник Етилалатроз дека таа одлука ја донела талибанската верска полиција на состанокот со сопствениците на берберски салони во јужната покраина.
Официјалното писмо на талибанските власти кружело на социјалните мрежи, а во него талибанските покраински вршители на должности ги предупредија берберите дека ќе трпат последици ако на некој му ја избричат брадата.
#AFG Taliban ban on shaving of beards and a ban on music – barbers in Lashkargah city received the warning in this official Taliban letter. pic.twitter.com/Kgfq0pshLU
— BILAL SARWARY (@bsarwary) September 26, 2021
Портпаролот на талибанскиот режим веднаш не даде коментар за ова.
— BILAL SARWARY (@bsarwary) September 26, 2021
Минатиот месец Талибанците од власт ја симнаа авганистанската влада која имаше поддршка од меѓународната заедница. Оттогаш режимот наметна родова сегрегација на факултетите и им оневозможи работа на жените. Освен тоа, девојчињата смеат да одат на училиште само до 6. одделение.
Авганистанците и владите ширум светот набљудуваат дали талибанците овој пат ќе бидат поумерени во владеењето, иако досега нема најави дека ќе биде така.
