КФМ им додели специјално признание на хероите од Литванија
Кошаркарската федерација на Македонија при изборот на најдобрите во мак баскетот за 2021 година, им додели специјално признание на репрезентацијата од 2011 година која го оствари најголемиот успех на едно ЕП во историјата од осамостојувањето на Македонија.
На самиот почеток од свечената церемонија на прогласување на најдобрите, признание добија кошаркарите кои го освоија четвртото место на Европското првенство пред десет години.
На церемонијата се појави голем дел од членовите на тој тим, како и стручниот штаб предводен од Марин Докузовски и членови на тогашното раководство.
Антиќ, Мекејлеб, Илиевски, Гечевски, Чековски, Војдан, Дамјан… засекогаш ќе бидат запишани со „Златни букви“ во македонската спортска историја.