Кејти Холмс во провокативно издание – Позирала за новиот број на „Vogue“ (ФОТО)
Со својот стајлинг актерката Кејти Холмс често мами погледи и добива бројни комплименти на сметка на нејзиниот изглед, а истата реакција ја предизвикала и со последната фотографија која ја објави на Инстаграм.
Имено, славната актерка минатите денови снимила едиторијал за австралиското издание на престижното списание „Vogue“, и со бројните фанови на Инстаграм споделила две фотографии кои ќе се појават во наредниот број.
Холивудската миленичка позирала пред објективот на фото-апаратот, а со својот провокативен стајлинг никого не оставила рамнодушен.
Поранешната сопруга на Том Круз позирала во црно, откривајќи го својот затегнат стомак. За ова снимање Кејти Холмс носела модна комбинација резервирана само за оние најхрабрите, а станува збор за комбинација на топ и широко, големо сако и широки свилени панталони.
Црната комбинација на облеката актерката ја разбила со необични, кружни, златни обетки. Освен тоа, многумина изненадила и нејзината фризура. Станува збор за коса која е стилизирана во таканаречен „мокар изглед”, која идеално го потполнила нејзиното провокативно издание.
„Беше одлично да се работи со толку неверојатни жени”, напишала Кејти под фотографиите.