Кејт Мидлтон со стајлингот потврди огромен тренд за оваа зима! (ФОТО)
Војводата и војвотката од Кембриџ вчера наутро со своите деца присуствуваа на божиќната миса во Норфолк, каде што беа извонредно облечени и усогласени.
Очекувано, со својот стајлинг се истакна Кејт Мидлтон која овој пат направи мал исклучок од својот инаку класичен стил.
Иако повторувањето на аутфити е нејзин стилски потпис, за оваа прилика купила нов капут со кој потврди еден голем тренд за оваа зима.
Капути со крзнени детали се огромен хит оваа сезона, а Кејт вложила во модел кој сјајно ѝ ласка на фигурата благодарение на ременот кој и го нагласува струкот.
Покрај тренди сивиот капут, војвотката облекла маслинесто-зелени салонки со стабилна блок потпетица и ускладувајќи го шеширот во истата боја, моден додаток кој се обврзани да го носат женските членови на кралските семејства за време на свечености како оваа. Исто така и принцезата Шарлот се ускладила со мајка ѝ носејќи маслинесто-зелен капут.
