Ќе ви влегуваат дома кога не знаете како да се однесувате надвор

Ако за време на пандемија ви доаѓаат повеќе од четири лица во домот одеднаш, не е проблемот во државата. Бидејќи, која е поентата да не можете да ја прескокнете славата оваа година, ако има шанса таа слава да ви е последна што ќе ја прославите.

Македонскиот народ секогаш имал проблеми со однесувањето и со постапките кои подразбираат колективна свест. За држава, која со години има проблеми со загаденост, дел од нашите сограѓани често не знаат ниту ѓубрето каде да го фрлат. Тогаш, воопшто не треба да зачудува начинот на кој што се справуваме со пандемијата, ниту пак мерките кои се воведени за да нѐ спречат да се убиеме самите меѓу себе.

Новите мерки подразбираат дека на посета не можат да ни дојдат повеќе од четворица гости. Искрено, ако за време на пандемија ви доаѓаат повеќе од четири луѓе во домот одеднаш, не е проблемот во државата. Бидејќи, која е поентата да не можете да ја прескокнете славата оваа година, ако има шанса таа слава да ви е последна што ќе ја прославите. Сепак, најголем број граѓани беа загрижени од тоа како полицијата ќе проверува колку гости имате дома и дали ќе им се наруши светоста на домот. Разбирлива загриженост, ако ситуацијата беше нормална. Но, пак ќе повторам, ова е пандемија, а вината што сме дојдени дотука, паѓа на секого.

Прочитајте и...  ВИДЕО: Папата Франциск назначи 13 нови кардинали, меѓу нив и првиот црн великодостојник од САД

Швеѓаните кои сите ги критикуваа за лесниот пристап кон пандемијата, по бројот на заразени и починати од коронавирусот не се разликуваат многу од другите земји, па дури и се подобри од некои држави каде мерките беа многу построги. Па, како успеа Шведска да избегне карантин и затворање на повеќето бизниси? Просто – имаа чувство за колективитет. Властите не им наредија, туку им предложија на граѓаните што е паметно да прават, а што не е. А тие, зачудувачки, ги послушаа. Најголемиот успех на шведската влада беше тоа што успеа да ги убеди граѓаните да ја прифатат ситуацијата и да соработуваат во борбата против вирусот, но без присилување и закони. Сепак, во Шведска социјалниот договор меѓу популацијата и Владата се темели на високо ниво на доверба, нешто што кај нас звучи како урбан мит.

Прочитајте и...  Сепак, Амди Бајрам нема да биде погребан во Алеата на Великаните

Џабе се сите мерки на светот, џабе е карантин, џабе и ќе ни влегуваат дома. Доколку не прифатиме дека коронавирусот е реален и дека пандемијата е тука, тогаш ништо нема да има ефикасност. Бидејќи во моментот кога ќе ни биде дадена некоја слобода, повторно некои ќе се најдат во преполни клубови, каде со над четири гости ќе си дишат во вратот.

Поврзани вести

Пораст на бројот на новозаразени во регионот, Хрватска рекордер со речиси 2.250

Слободен печат

ВИДЕО: Папата Франциск назначи 13 нови кардинали, меѓу нив и првиот црн великодостојник од САД

Слободен печат

Француското национално собрание изгласа продолжување на здравствената вонредна состојба до 16 февруари

Илинка Иљоска

Заев од 25. Конгрес на СДСМ: Имаме признат македонски национален идентитет од целиот свет, македонскиот јазик е впишан во нашата лична карта во ОН

Илинка Иљоска

Брнабиќ: Нов шеф на дипломатијата е Селаковиќ, Вулин на полиција

Слободен печат

Еврозоната со најголем економски пад, закрепнувањето неизвесно

Илинка Иљоска

Остави Коментар