Дваесетипетгодишниот А. Г. од Улцињ, Црна Гора, денеска експресно е прогласен за виновен и е осуден на парична казна од 2000 евра затоа што синоќа бил запрен со возило и било утврдено дека вози под дејство на наркотици, објави rtcg.

„На 13 октомври 2025 година, тој беше суден во итна постапка по обвинението на Управата за полиција на ОБ во Улцињ, со кое беше обвинет за управување со возило под дејство на наркотични дроги синоќа околу 21:20 часот“, се наведува во соопштението на Судот за прекршоци во Будва.

Оттаму додаваат дека судијката му изрекла заштитна мерка забрана за возење во траење од 6 месеци, како и максимален број казнени поени.