Каземиро негира трансфер во Ал Наср, останува во Манчестер јунајтед
Фудбалерот на Манчестер јунајтед, Каземиро демантираше дека кариерата ќе ја продолжи во Ал Наср и истакна дека е среќен во клубот од Олд Трафорд, пренесува британски „Мирор“.
Каземиро (31) пристигна во Манчестер јунајтед во 2022 година од Реал Мадрид.
Се објавија шпекулации дека искусниот Бразилец би можел да му се приклучи на поранешниот фудбалер на „црвените ѓаволи“ Кристијано Роналдо во клубот од Саудиска Арабија.
– Среќен сум во Манчестер. Сè овде е неверојатно. Од првиот ден овде бев срдечно пречекан од клубот, играчите и навивачите. Среќен сум што градот и клубот ми нудат. Задоволен сум што ќе му помогнам на клубот да се врати на патот на успехот. Среќен сум овде – изјави Каземиро.
Тој оваа сезона одигра 12 натпревари за Манчестер јунајтед и постигна четири гола.