Капитенот на фудбалерите на Борнмут, Адам Смит, реагираше луто на наводните расистички навреди упатени кон соиграчот Антуан Семењо за време на поразот од Ливерпул со 4:2 на „Енфилд“.

Натпреварот, кој беше во чест на починатиот Диого Жота, беше привремено прекинат во 28 минута откако напаѓачот пријави расистички навреди упатени кон него.

Видливо вознемирениот гански интернационалец го пријави инцидентот кај судијата Ентони Тејлор, кој се консултираше со двајцата менаџери, Арне Слот и Ентони Ираола, како и со капитените Вирџил ван Дајк и Смит. 47-годишен маж подоцна беше отстранет од стадионот, а полицијата од Мерсисајд потврди дека е започната целосна истрага.

По натпреварот, Смит не го криеше својот бес, осудувајќи го инцидентот како срам за фудбалот:

– Апсолутно неприфатливо. Шокиран сум што се случи ова. Во денешно време не треба да се случува. Не знам како Антуан успеа да продолжи да игра и да ги постигнува тие голови. Жал ми е за него – малку е тажен. Нешто мора да се направи. Ќе го поддржиме и се надевам дека е добро. Сакав да реагира бидејќи тоа би го направил и јас – веднаш би интервенирал. Но, тоа покажува каков човек е, не реагираше во моментот, продолжи да игра, а потоа му кажа на судијата. Да ги постигне тие голови потоа покажува каков карактер има. Почит за Антуан – беа зборовите на Смит.

Premier League Match Centre have released a statement following the allegations of racist abuse directed towards Antoine Semenyo in the match between Liverpool and Bournemouth. pic.twitter.com/OGNaK7FxAN

— Sky Sports Premier League (@SkySportsPL) August 15, 2025