Кандидатот за градоначалник на Велес од коалицијата предводена од ВМРО-ДПМНЕ, Марко Колев по гласањето во поранешниот Работнички универзитет во Велес изјави дека доколку биде избран, ќе ги потпише сите решенија за легализација на објекти за домување и ќе работи на решавање на сообраќајниот хаос.

„Во едно интервју за еден весник за време на кампањата реков дека на првиот мој ден ако ја превземам функцијата градоначалник ќе ги потпишам сите решенија за легализација на објекти за домување, а кои беа оставени од градоначалникот. Првиот мој капитален објект ќе биде решавање на сообраќајниот хаос и изградба на поземна катна гаража во центарот на Велес, а потоа и останатите 213 најавени проекти од кои 126 се од основата инфраструктура за подобрување на водоводната и канализациона мрежа во градот и Општината“, изјави Колев.

Извор: МИА