Канадскиот премиер Марк Карни изјави во петокот дека неговата земја е подготвена да ги продолжи трговските преговори со САД штом Вашингтон ќе биде подготвен, додавајќи дека Канада не може да ја контролира трговската политика на својот јужен сосед, објави „Ројтерс“.

Американскиот претседател Доналд Трамп во четвртокот вечерта изјави дека трговските разговори со Канада се прекинати, откако во една политичка реклама во Онтарио беше цитиран републиканскиот икон Роналд Реган, кој рекол дека царините предизвикуваат трговски војни и економска катастрофа.

Трамп: Трговските преговори со Канада завршуваат

Карни, пред заминувањето од Отава за Куала Лумпур, Малезија, во рамки на својата прва официјална посета на Азија, изјави:

„Моите колеги работеа со нивните американски колеги на детални и конструктивни преговори — дискусии за одредени сектори, како што се челикот, алуминиумот и енергетиката. Подготвени сме да продолжиме од тој напредок“.

Карни нагласи дека Канада може да се фокусира и на нови партнерства и можности, вклучително и со економските гиганти од Азија, што е и главната цел на неговата посета.

Трамп најави царини од 35 проценти за увоз од Канада и официјално писмо до ЕУ