Францускиот репрезентативец Едуардо Камавинга се обрати до јавноста по елиминацијата на Реал Мадрид од Лигата на шампионите, во која беше посочен како еден од трагичарите на натпреварот.

„Кралевите“ по поразот во првиот четвртфинален дуел во Мадрид од Баерн Минхен (1:2), во реваншот во Минхен водеа со 3:2 сè до 86. минута. Токму тогаш Камавинга заработи втор жолт картон, што автоматски значеше исклучување, Баерн до крајот направи пресврт.

Само три минути подоцна Луис Дијаз израмни, а во судиското продолжение Михаел Олисе донесе целосен пресврт и победа за Баерн од 4:3. Така германскиот тим со вкупни 6:4 обезбеди пласман во полуфиналето.

„Ја преземам одговорноста за својот дел. Сакам да им се извинам на тимот и на навивачите. Ви благодарам за поддршката, да живее Реал Мадрид“, порача Камавинга.

Неговото исклучување предизвика бурни реакции во јавноста. Дел од фановите го обвинија Французинот, додека други го критикуваа судијата Славко Винчиќ, сметајќи дека одлуката била престрога. Камавинга најпрво направи прекршок, а потоа не ја врати топката на местото, туку ја оттурна неколку метри, по што словенечкиот арбитар му покажа втор жолт картон.

بالمناسبة كامافينغا انطرد بسبب التأخير بل بسبب كيميتش
الحكم انطاه أصفر لان كيميتش أول ما كاما لمس الكرة اعترض عليه بعدها من تأخر وانطه الكرة الحكم حسبها مرتين نبه اللاعب لأن حسب اعتراض كيميتش الاول على أساس كاما تأخر وفي الأساس كيميتش خدعه pic.twitter.com/E8N3huq8iG

— ali hashem ⁦ (@alihashem02) April 15, 2026