Крајната десница и инфлуенсерите на Кипар остварија најголема добивка на изборите што се одржаа денеска, заедно со новодојденци во борбата против корупцијата и влијателните лица на социјалните мрежи кои исто така влегоа во парламентот, покажаа резултатите од гласањето за кое аналитичарите велат дека ќе го преобликува политичкиот пејзаж на островот. Како што објави Ројтерс, над половина милион Кипарци излегоа на гласачките места за да изберат 56 пратеници – избори што се сметаат за лакмус тест за трендовите пред претседателските избори што ќе се одржат за две години.

Клучните поддржувачи на актуелниот претседател Никос Христодулидес и центрист, беа меѓу „најголемите губитници“.

Резултатите објавени од Министерството за внатрешни работи покажаа дека крајно десничарската ЕЛАМ, огранок на забранетата грчка партија Златна зора, освои околу 11 проценти од гласовите, во споредба со 6,8 проценти на последните парламентарни избори во 2021 година, што ја става на третото место по големина во законодавниот дом.

Пред неа се десничарската партија ДИСИ и комунистичката АКЕЛ кои освоија 27,2 проценти и 23,8 проценти од гласовите.

Корупцијата и проблемите со трошоците за живот беа истакнати во кампањата.

Друг победник на вечерта беше „Директна демократија“, основана од инфлуенсерот на социјалните медиуми Фидиас Панајоту со 5,4 проценти од гласовите. Меѓу неговите следбеници, тој е најпознат по тоа што кампуваше со недели пред канцелариите на сопственикот на „Х“, Елон Маск, во 2023 година, и на крајот успеа да ја оствари својата цел да добие прегратка. Видеото погледнете го овде.