Кампања за мобилизација на нови згрижувачки семејства кои ќе се грижат за деца под специфичен ризик
Министерството за труд и социјална политика и УНИЦЕФ денеска промовираа комуникациска кампања која има за цел да привлече нови згрижувачки семејства, кои би можеле да се грижат за деца под специфичен ризик
Во последниве неколку години во Република Северна Македонија интензивно се работи на развивање на формата сместување во згрижувачко семејство како вонинституционална форма. Секоја наредна година се стремиме да бидеме што подобри, работиме кон исполнување на најдобрите можности за децата без родители, изјави министерката Јованка Тренчевска.
Таа ја истана важноста од поддршката на згрижувачките семејства и информираше дека со рефорамите во системот на социјална заштита првпат се предвидени центри за поддршка на згрижувачки семејства кои треба да вршат промоција на услугата згрижување во семејство, подготовка, проценка и обука на идни згрижувачки, како и следење и давање на поддршка на постојните згрижувачки семејства.
Во моментот на територијата на Република Северна Македонија има 360 згрижувачки семејства во кои се згрижени 608 деца. Според Тренчевска спроведувањето на ваквите кампањи треба да придонесе кон зголемување на бројот на згрижувачки семејства.