Полицијата од округот Монтереј во САД објавила фотографии од двајца затвореници, кои побегнале од затвор во Калифорнија.

Тие се осомничени за две убиства, а според првичните информации, се чини дека побегнале од дупка која ја направиле во тоалетот во затворот во Салинас.

21-годишниот Сантос Самуел Фонеска и 20-годишниот Џонатан Салазар успеале да побегнат преку направената дупка која била широка 55 сантиметри.

Канцеларијата на шерифот нуди награда од 5.000 долари

Мажите побегнале од затворот во Салинас, јужно од Сан Франциско, а и двајцата ги очекува судење поради убиство.

Поради тоа, канцеларијата на локалниот шериф е во потрага по двајцата бегалци, а понудена е и награда од 5.000 долари за оној кој ќе понуди информации за нив или ќе ги пронајде.